ᓄᓇᕐᔪᐊᒥᒃ ᐊᕐᕌᒍᖓ ᓯᕐᒦᑦ ᓴᐳᑎᔭᐅᓯᒪᓂᖏᑦ: ᓴᐳᒻᒥᔭᐅᓂᖏᑦ ᓄᓇᕗᑦ ᐃᑦᓴᕐᓂᑕᐃᑦ ᖁᐊᕐᑕᖅᑐᑦ

ᓯᕐᒦᑦ ᐃᓚᒋᔭᐅᓪᓚᕆᒃᑐᑦ ᓄᓇᕗᑦ ᓄᓇᐃᓐᓇᖓᓂᒃ ᐊᒻᒪᓗ ᐃᓕᖁᓯᓕᕆᓂᑐᖃᒃᑯᑦ. ᑕᒪᓐᓇ ᓯᑯᑐᖃᖅ ᐋᕿᒃᓯᓯᒪᔭᖓᑦ ᓄᓇᐃᓐᓇᕐᒥᒃ ᐋᖀᓯᒪᔪᖅ ᐊᒻᒪᓗ ᐊᑦᔨᒌᓐᖏᑦᑐᓂᒃ ᐅᑭᐅᖅᑕᕐᑐᒥᒃ ᓂᕐᔪᑎᖏᓐᓂᒃ ᐃᑲᔪᕐᓱᐃᓪᓗᓂ. 2025-ᖑᑎᓪᓗᒍ, ᓄᓇᕐᔪᐊᒥᒃ ᑲᑐᑦᔨᖃᑎᒌᑦ ᓄᓇᕐᔪᐊᒥᒃ ᓯᕐᒦᑦ ᓴᐳᑎᔭᐅᓯᒪᓂᖏᑕ ᐊᕐᕌᒍᖓ ᓇᓗᓇᐃᕆᔪ ᑐᐊᕕᕐᓇᕐᑐᒃᑯᑦ ᓴᐳᑎᔭᐅᒋᐊᖃᕐᓂᖏᑦ ᖁᐊᕐᑕᖅᓂᖏᑦ ᑐᓗᕐᑕᕈᑎᖃᕐᒪᑕ ᓯᓚᐅᑉ ᐊᓯᑦᔨᕐᐸᓪᓕᐊᓂᐊᓄᑦ. ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᐊᒻᒪ ᐃᓄᐃᑦ ᐊᖏᕐᓯᒪᑦᑎᐊᕐᑐᑦ ᓴᐳᑎᒐᓱᐊᕐᓗᒋᑦ ᓯᕐᒦᑦ ᓄᓇᕗᒻᒥ ᑲᓇᑕᒥ ᒥᕐᖑᐃᕐᓯᕐᕕᖏᓐᓂᒃ ᐊᒻᒪᓗ ᐅᑦᔨᖅᑐᖁᔨᓪᓗᑎᒃ ᐱᒻᒪᕆᐅᓂᖏᓐᓂᒃ, ᐊᒻᒪᓗ ᐊᖏᔪᒥᒃ ᐊᒃᓱᕈᕐᖢᑎᒃ ᓴᐳᑎᒐᓱᐊᕐᑐᑦ ᐅᑎᖅᑎᑦᑎᓗᑎᒃᓗ ᓴᐱᓕᕈᑎᒋᑦᑕᐃᓕᓗᒍ ᐊᕙᑎᖓ ᑲᓇᑕᓕᒫᒥᒃ ᓴᐳᔾᔭᐅᓯᒪᔫᑉ ᐃᓂᖏᓐᓂᒃ.

ᓯᕐᒦᑦ ᓄᓇᕗᒻᒥ ᑲᓇᑕᒥ ᒥᕐᖑᐃᕐᓯᕐᕕᖏᑦ

ᓄᓇᕗ ᐊᖏᕋᕆᔭᐅᔪᖅ ᐱᖓᓱᓂᒃ ᑲᓇᑕᒥ ᒥᕐᖑᐃᕐᓯᕐᕕᕐᓄᑦ ᑕᐃᑲᓂ ᓇᓗᓇᓐᖏᑦᑐᖅ ᓄᓇᐃᓐᓇᖅ ᓯᕐᒥᖕᓄᑦ ᐋᕐᑭᒃᑕᐅᓯᒪᓂᖏᑦ ᐊᒻᒪᓗ ᐊᑦᑎᖅᑕᐅᑦᑎᐊᕐᓯᒪᓪᓗᑎᒃ:

ᓯᕐᒥᓕᒃ ᑲᓇᑕᒥ ᒥᕐᖑᐃᕐᓯᕐᕕᒃ − ᐃᓂᒋᔭᐅᔪᑦ ᓯᕐᒥᖕᓄᑦ

ᓯᕐᒥᓕᒃ, ᑐᑭᓕᒃ “ᐃᓂᒋᔭᐅᔪᖅ ᓯᕐᒥᓕᒃ” ᐃᓄᒃᑎᑐᑦ, ᐅᑭᐅᖅᑕᕐᑐᒥᐅᑕᓂᒃ ᓂᕐᔪᑎᖃᐅᑦᑎᐊᕐᑐᖅ. ᑕᒪᓐᓇ ᓯᑯᑐᖃᖅ ᐊᕿᒃᓯᒪᓂᖓ ᒥᕐᖑᐃᕐᓯᕐᕕᒃᒥᒃ ᓄᓇᐃᓐᓇᕐᒥᒃ ᐋᖀᓯᒪᔪᖅ, ᐊᑦᔨᒌᓐᖏᑦᑐᓂᒃ ᓂᕐᔪᑎᓂᒃ ᓇᔪᕐᑕᐅᓪᓗᓂ ᐊᒻᒪ ᑲᑦᔮᕐᓇᒻᒪᕆᒃᑐᐊᓗᒃ ᑕᐅᑦᑐᖏᑦ. ᐳᓛᕐᑏᑦ ᓯᕐᒥᓕᖕᒥᒃ ᑕᑯᔪᓐᓇᕐᑐᖅ ᓯᑯᑐᖃᕐᓂ ᓄᓇᐃᓐᓇᕐᒥᒃ ᐋᖀᓯᒪᓂᖏᓐᓂᒃ ᑕᐃᒪᓐᖓᓕᒫᖅ. ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᖃᐅᔨᓴᕐᑐᑦ ᓯᑯᑐᖃᕐᓂᒃ ᑕᐃᑲᓂ ᓯᕐᒥᓕᖕᒥᑦ ᐊᒻᒪ ᐊᓯᖏᓐᓂᒃ ᑲᓇᑕᒥ ᒥᕐᒍᐃᕐᓯᕐᕕᒋᔭᐅᔪᓂᒃ ᐅᑦᔨᖅᓱᕐᑕᐅᓪᓗᑎᒃ ᓯᓚᐅᑉ ᐊᓯᑦᔨᕐᐸᓪᓕᐊᓂᖓ ᐊᒻᒪᓗ ᖃᓄᖅ ᐊᒃᑐᐃᓂᖃᕐᓂᖏᓐᓂᒃ ᐅᑭᐅᖅᑕᕐᑑᑉ ᐊᕙᑎᐊᓂᒃ. ᑕᐃᒪᓕ ᑕᒪᐃᓐᓄᑦ ᐃᓄᐃᑦ ᖃᐅᔨᒪᔭᖏᑦ ᐊᒻᒪ ᖃᐅᔨᓴᕐᑎᒻᒪᕆᖕᓂᒃ, ᓯᓚᓕᕆᔨᒃᑯᑦ ᖃᐅᔨᓴᖃᑦᑕᕐᑐᑦ ᓇᓗᓇᐃᕆᓪᓗᑎᒃ ᓯᑯᑐᖃᐃᑦ ᐊᐅᒃᐸᓪᓕᐊᓂᖏᓐᓂᒃ ᐊᒻᒪᓗ ᑐᓗᕐᑕᕈᑎᖃᕐᓂᖏᓐᓂᒃ ᓴᐳᑎᔭᐅᓯᒪᔫᑉ ᐃᓂᖏᓐᓂᒃ. ᑕᕐᕆᔭᕆᑦ ᐊᐅᓚᔫᒃᑯᑦ ᑕᕐᕆᔭᐅᓯᐅᕐᑕᐅᓚᐅᕐᑐᒥᒃ ᐱᓕᕆᐊᖃᕐᑎᓪᓗᒋᑦ ᑕᑯᓐᓇᒃᑭᑦ!

ᐃᓕᑦᑎᒋᐊᕆᑦ ᓯᕐᒥᓕᒃ ᑲᓇᑕᒥ ᒥᕐᖑᐃᕐᓯᕐᕕᐊᓂᒃ (ᖃᓪᓗᓈᑎᑐᑦ ᑭᓯᐊᓂ)

ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᒃ − ᓄᓇᐃᓐᓇᖅ ᐊᐅᔪᐃᑦᑐᖅ

ᐊᐅᔪᐃᑦᑐᖅ ᑐᑭᓕᒃ: ᓄᓇᐃᓐᓇᖅ ᐊᐅᔪᐃᑦᑐᖅ” ᐊᖏᕋᕆᔭᐅᔪᖅ ᐊᐅᔪᐃᑦᑐᒥᒃ (), ᐊᒥᐊᒃᑯᐃᑦ ᑭᖑᓪᓕᐹᒥᒃ ᓯᑯᑐᖃᕐᓂᒃ. ᑕᒪᓐᓇ ᓯᖁᑐᖃᖅ ᐃᓂᖓ ᐊᖏᔪᐊᓗᖕᒥᒃ ᑰᖕᒦᑦᑐᓂᒃ ᓂᕿᒃᓴᖃᕐᑎᑦᑎᔪᖅ ᐊᒻᒪᓗ ᐃᑲᔪᕐᓱᐃᓪᓗᓂ ᐊᓴᓇᕐᑐᒥᒃ ᐅᑭᐅᖅᑕᑑᑉ ᐊᕙᑎᐊᓂᒃ. ᖃᐅᔨᓴᐃᓂᒃᑯᑦ ᐱᓕᕆᐊᒃᓴᓂᒃ ᐊᐅᔪᐃᑦᑐᕐᒥᒃ ᐃᑲᔪᕐᓱᐃᓂᐊᕐᑐᖅ ᖃᐅᔨᓴᕐᑎᒻᒪᕆᖕᓂᒃ ᓇᓗᓇᐃᕐᓯᕙᓪᓕᐊᑎᓪᓗᒋᑦ ᓯᑯᐃᑦ ᐊᓯᑦᔨᕐᐸᓪᓕᐊᓂᖏᓐᓂᒃ ᐊᒻᒪᓗ ᑐᑭᓯᓇᕐᓯᓂᐊᕆᓪᓗᓂ ᑐᓗᕐᑕᕈᑎᐅᔪᑦ ᓯᓚ ᐅᖂᓯᕙᓪᓕᐊᓂᐊᓂᒃ ᐊᓴᓇᕐᑐᑦ ᐊᕙᑎᐊᓂᒃ. ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᑲᑐᑦᔨᖃᑎᒌᖃᑎᖃᓲᑦ ᐃᓄᖕᓂᒃ ᐊᒻᒪ ᐃᓕᓐᓂᐊᕐᕕᒃᔪᐊᓂᒃ ᐃᓕᓐᓂᐊᕐᑐᓂᒃ ᑲᔪᓯᑦᑎᐊᖁᓪᓗᒋᑦ ᐱᒻᒪᕆᒋᔭᐅᔪᑦ ᖃᐅᔨᓴᕐᓂᒃᑯᑦ, ᐋᖀᒋᐊᕈᓐᓇᖁᓪᓗᒋᑦ ᑐᑭᓯᑦᑎᐊᕐᓂᒃᑯᑦ ᒫᓐᓇ ᐊᒻᒪ ᓯᕗᓂᒃᓴᒥᒃ ᓯᓚᐅᑉ ᐊᓯᑦᔨᕐᐸᓪᓕᐊᓂᐊᓂᒃ ᑐᓗᕐᑕᕈᑎᐅᔪᓂᒃ. ᐊᖅᑯᑎᖃᕐᖢᑎᒃ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᓕᕆᔨᓂᒃ ᐃᓄᐃᑦ ᖃᐅᔨᒪᔭᖏᓐᓂᑦ ᑲᑎᒪᔨᖏᓐᓂᒡᓗ, ᐃᓄᐃᑦ ᐃᑲᔪᕐᓯᓯᒪᑦᑎᐊᕐᑐᑦ ᐱᒻᒪᕆᐅᔪᓂᒃ ᐅᑦᔨᕐᓱᑦᑎᐊᖃᑦᑕᕐᓂᖏᓐᓂᒃ ᐱᑦᔪᑎᒋᓪᓗᒍ ᑕᒪᓐᓇ ᓯᕐᒦᑦ ᒥᕐᖑᐃᕐᓯᕐᕕᖕᒥᒃ ᐊᓯᑦᔨᕐᐸᓪᓕᐊᓂᖏᓐᓄ.

ᖃᐅᔨᒋᐊᕈ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᒃ (ᖃᓪᓗᓈᑎᑐᑦ ᑭᓯᐊᓂ)

ᖁᑦᑎᓂᕐᐹ ᑲᓇᑕᒥ ᒥᕐᖑᐃᕐᓯᕐᕕᒃ − ᓄᓇᕐᔪᐊᒥᒃ ᖁᑦᑎᓂᕐᐹᖅ

ᖁᑦᑎᓂᕐᐹᖅ, ᑐᑭᓕᒃ “ᓄᓇᕐᔪᐊᒥᒃ ᖁᑦᑎᓂᕐᐹᖅ” ᑲᓇᑕᐅᑉ ᐅᑭᐅᖅᑕᕐᑐᖓᓂ ᒥᕐᖑᐃᕐᓯᕐᕕᒋᔭᐅᔪᖅ. ᓯᑯᑐᖃᐃᑦ ᐊᒻᒪ ᐊᐅᔪᐃᑦᑐᑦ ᓯᑯᐃᑦ ᓇᓗᓇᐃᕆᓯᒪᑦᑎᐊᕐᑐᑦ ᓯᓚᐅᑉ ᖃᓄᐃᓐᓂᕆᔭᖏᓐᓂᒃ ᑎᑎᕋᕐᑕᐅᕙᓪᓕᔪᓂᒃ ᐱᓯᒪᔪᑦ. ᖃᐅᔨᓴᕐᑏᑦ ᑲᔪᓯᓚᐅᕐᑐᑦ ᐱᒻᒪᕆᐅᔪᓂ ᐅᑭᐅᖅᑕᕐᑑᑉ ᓯᓚᖓ ᐊᓯᑦᔨᕐᐸᓪᓕᐊᓂᖓᓂ ᐊᒻᒪ ᓯᑯᐃᑦ ᓄᖑᑉᐸᓪᓕᐊᓂᖓᓂᒃ. ᓯᑯᑐᖃᐃᑦ ᖃᐅᔨᓴᕐᑕᐅᓂᐊᕐᑐᑦ ᑲᔪᓯᓗᑎᒃ ᐱᓕᕆᐊᒃᓴᑎᒍ ᐃᑲᔪᕈᑎᖃᕐᓂᐊᕐᑐᓂᒃ ᖃᐅᔨᓴᕐᑎᒻᒪᕆᒃᑯᓐᓂᒃ ᑐᑭᓯᑎᑦᑎᓗᑎᒃ ᒥᕐᖑᐃᕐᓯᕐᕕᐅᑉ ᐊᕙᑎᐊᓂᒃ ᐊᒻᒪᓗ ᐊᖏᔪᒥᒃ ᑐᓗᕐᑕᕈᑕᐅᔪᓂᒃ ᓯᓚᐅᑉ ᐊᓯᑦᔨᕐᐸᓪᓕᐊᓂᖓᓄ.

ᖃᐅᔨᒋᐊᕈ ᖁᑦᑎᓂᕐᐹᖅ ᑲᓇᑕᒥ ᒥᕐᖑᐃᕐᓯᕐᕕᒃ (ᖃᓪᓗᓈᑎᑐᑦ ᑭᓯᐊᓂ)

ᐱᒻᒪᕆᐅᓂᖓ ᓯᕐᒥᐅᑉ ᓴᐳᑎᔭᐅᓯᒪᓂᖓ

ᓄᓇᕐᔪᐊᒥ ᑲᑐᑦᔨᖃᑎᒌᑦᑯᑦ ᐊᕐᕌᒍᖓ ᓯᕐᒦᑦ ᓴᐳᑎᔭᐅᓯᒪᓂᖏᓐᓂᒃ 2025 ᐱᕕᖃᕐᑎᑦᑎᔪᖅ ᑲᓇᑕᒥᐅᑕᓄᒃ ᐃᓕᓐᓂᐊᕈᑕᐅᓗᓂ ᑐᓗᕐᑕᕈᑎᐅᔪᓂᒃ ᓯᓚᐅᑉ ᐊᓯᑦᔨᕐᐸᓪᓕᐊᓂᖏᓐᓂᒃ ᐅᑯᓂᖓ ᐊᐳᑏ, ᓯᑯᐃᑦ ᐊᒻᒪ ᐃᒪᐃᑦ ᑲᓇᑕᓕᒫᒥᒃ ᐃᑲᔪᕈᑕᐅᓂᐊᕐᑐᑦ. ᓯᕐᒦᑦ ᐃᒪᑦᑎᐊᕙᖕᒪᕆᓕᐅᕐᒪᑕ, ᐊᒻᒪᓗ ᑕᕆᐅᑉ ᐃᒪᖓᓂ ᖃᓄᖅ ᐊᖏᑎᒋᔪᒥᒃ ᐊᒃᑐᐃᓂᖃᕐᒪᓐ, ᐊᒻᒪᓗ ᐅᑭᐅᕐᑕᖅᑐᒥᒃ ᓂᕐᔪᑎᓂᒃ ᐃᑲᔪᕐᓂᖃᑦᑎᐊᕆᓪᓗᑎᒃ. ᑭᓯᐊᓂ, ᖃᐅᔨᓴᕐᑎᒻᒪᕇᑦ ᓄᓇᕗᑦ ᒥᕐᖑᐃᕐᓯᕐᕕᖏᓐᓂᒃ ᑕᑯᑎᑦᑎᒋᓪᓗᑎᒃ ᓱᒃᑲᔪᐊᓗᖕᒥᒃ ᐊᐅᒃᐸᓪᓕᐊᓕᕐᒪᑦ ᓯᓚᐅᑉ ᐊᓯᑦᔨᕐᓂᖓᓄ ᐱᑦᔪᑎᖃᕐᖢᓂ, ᑐᓗᕐᑕᕈᑎᓕᐅᑦᑎᐊᕐᒪᑦ ᐊᕙᑎᒥᒃ ᐊᒻᒪᓗ ᓄᓇᓕᖕᒥᐅᓂᒃ ᐃᒃᐱᒋᔭᐅᑦᑎᐊᕆᓪᓗᑎᒃ ᓱᖏᐅᑎᓯᒪᔭᖏᓐᓂᒃ ᐊᓯᑦᔨᕐᓂᖓᓄ.

ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᐱᓕᕆᐊᖃᒻᒪᕆᒃᑐᑦ ᖃᐅᔨᓴᕐᖢᑎᒃ ᓯᕐᒥᖕᓂᒃ ᑲᓇᑕᒥ ᒥᕐᖑᐃᕐᓯᕐᕕᖕᓂᑦ ᑲᓇᑕᓕᒫᒥᒃ ᑐᑭᓯᔭᐅᑦᑎᐊᕋᓱᒃᖢᑎᒃ ᖃᓄᖅ ᐊᓯᑦᔨᕐᐸᓪᓕᐊᓂᐅᔪᑦ ᑐᓗᕐᑕᕈᑎᖃᕐᒪᖔᑦ ᓄᓇᐃᓐᓇᐅᑉ ᐃᒪᖁᑎᐊᑕ ᐱᓕᕆᐊᒃᓴᖏᓐᓂᒃ, ᓄᓇᐅᑉ ᖄᖓᒍ ᐃᒪᐅᑉ ᑰᖕᓂᖓᓂᒃ, ᐱᕈᕐᑐᐃᑦ ᐃᓕᖁᓯᖏᓐᓂᒃ, ᐊᒻᒪᓗ ᐊᑐᐃᓐᓇᐃᑦ ᐃᒥᕐᑕᕆᐊᕐᕕᐅᖃᕐᑕᕐᑑᑉ ᑰᖕᓂᖏᓐᓂᒃ. ᖃᐅᔨᓴᕐᓂᐅᑉ ᐱᓕᕆᐊᒃᓴᖏᑦ, ᓲᕐᓗ ᓯᕐᒥᖕᓂᒃ ᐅᑦᔨᕐᑐᐃᑦᔪᕐᑕᐅᓪᓗᑎᒃ ᐊᒻᒪᓗ ᖃᐅᔨᓴᑕᐅᓪᓗᑎᒃ ᐊᐅᔪᐃᑦᑐᖅ ᓯᑯᖏᓐᓂᒃ ᑕᐃᑲᓂ ᐊᐅᔪᐃᑦᑐᖅ ᑲᓇᑕᒥ ᒥᕐᖑᐃᕐᓯᕐᕕᐊᓂᒃ, ᐊᒻᒪᓗ ᖃᐅᔨᓴᕐᓂᐅᔪᑦ ᖁᑦᑎᓂᕐᐹᖅ ᑲᓇᑕᒥ ᒥᕐᖑᐃᕐᓯᕐᕕᐊᓂᒃ, ᐱᒻᒪᕆᐅᔪᑦ ᐅᑦᔨᕐᑐᐃᑦᔪᑎᓂᒃ ᑕᒪᓐᓇ ᐊᓯᔩᓂᖃᕐᑎᓪᓗᒍ. ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᐱᓕᕆᖃᑎᕋᕐᑐᑦ ᖃᐅᔨᒪᔨᑕᓂᒃ, ᓄᓇᖃᖄᕐᑐᐃᑦ ᖃᐅᔨᒪᔭᖏᓐᓂᒃ ᑎᒍᒥᐊᕐᑎᓂᒃ, ᐊᒻᒪᓗ ᓴᐳᑎᒐᓱᐊᕐᑐᑦ ᑲᑐᑦᔨᖃᑎᒌᒃᑯᓐᓂᒃ ᓴᕿᑎᓗᑎᒃ ᐸᕐᓇᐅᑎᓂᒃ ᐆᒥᖓ ᓴᐳᑎᒋᐊᕐᓗᒋᑦ ᐅᑯᐊ ᖁᐊᖑᔪᑦ ᓄᓇᐃᓐᓇᕐᒦᑦᑐᓂᒃ.

ᓄᓇᕐᔪᐊᒥᒃ ᑲᑐᑦᔨᖃᑎᒌᑦ ᓄᓇᕐᔪᐊᒥᒃ ᓯᕐᒦᑦ ᓴᐳᑎᔭᐅᓯᒪᓂᖏᑕ ᐊᕐᕌᒍᖓᑦᑎᒍ 2025, ᑲᓇᑕᒥ ᒥᕐᖑᐃᕐᓯᕐᕕᓕᕆᔨᒃᑯᑦ ᖁᕕᐊᓱᒍᑎᖃᕐᐳᑦ ᑕᑯᒥᓇᕐᑐᒻᒪᕆᖕᓂᒃ ᖁᐊᖑᔪᓂᒃ ᓄᓇᐃᓐᓇᕐᒦᑦᑐᓂᒃ, ᐃᓱᒪᓇᕐᑐᖅ ᑲᑐᑦᔭᐅᓪᓗᑎᒃ ᓄᓇᕐᔪᐊᕐᒥᐅᑕᐃᑦ ᐃᓄᖁᑎᖏᓐᓂᒃ. ᑕᒪᓐᓇ ᐱᓕᕆᐊᒃᓴᖅ ᓇᓗᓇᐃᔪᖅ ᐱᒻᒪᕆᐅᓂᖏᓐᓂᒃ ᑲᔪᓯᑎᑕᐅᒋᐊᖃᕐᑐᖅ ᓴᐳᑎᒐᓱᐊᕐᓗᒋᑦ ᐅᑦᔨᕐᑐᑦᑎᐊᓗᒋᓪᓗ ᑲᓇᑕᐅᑉ ᓯᕐᒥᓕᖁᑎᖏᑦ ᑕᐃᒪᓐᖓᓂ ᓴᐳᑦᔨᔭᐅᓗᑎᒃ ᓯᕗᓂᒃᓴᒧᑦ ᑎᑭᓪᓗᒍ.

ᐃᒪᓐᓇ ᐃᑲᔪᕈᓐᓇᕐᑐᑎ

• ᐃᓕᑦᑎᓗᑎᑦ ᐊᒻᒪ ᐃᑲᔪᕐᓗᑎᑦ – ᐃᓕᑦᑎᒋᐊᕆᑦ ᐱᒻᒪᕆᐅᓂᖏᓐᓂᒃ ᓯᕐᒦᑦ ᐊᒻᒪ ᖃᐅᔨᒪᔭᐃᑦ ᐊᓯᖏᓐᓄᑦ ᑐᑭᓯᑎᑦᑎᒋᑦ.
• ᐃᑲᔪᕐᓱᐃᓗᑎᑦ ᓴᐳᑦᑎᒐᓱᐊᕐᑑᑉ ᐱᓕᕆᓂᖏᓐᓂᒃ – ᐃᓚᐅᖃᑕᐅᓗᑎ ᐱᓕᕆᐊᒃᓴᓕᕆᓂᕐᒧᑦ ᐅᑦᔨᕐᑐᐃᑦᔪᑎᓂᒃ ᐊᕙᑎᒥᒃ ᑲᒪᑦᑎᐊᕐᓂᕐᒥᒃ ᐊᒻᒪ ᑲᔪᑎᑦᑎᓂᒃᑯᑦ.
• ᑐᒥᓕᐅᓗᐊᕐᑕᐃᓕᓗᑎᒃ ᓱᕈᔪᖕᓂᒃ – ᒥᑭᔪᒥᒃ ᐱᓕᕆᓂᑎᑦ ᐃᒻᒪᓐᓇᑐᑦ ᐆᒻᒪᖁᑎᓂᒃ ᐊᑐᓐᖏᓐᓂᕐᓴᐅᓗᑎ ᐊᒻᒪ ᓂᕈᐊᕐᑎᐊᕐᓗᑎᑦ ᐃᖏᕋᑦᔪᑎᓂᒃ ᐊᑐᕐᓂᐊᕐᑕᕐᓂᒃ ᑕᒪᑐᒥᖓ ᓯᓚᐅᑉ ᐊᓯᑦᔨᕐᐸᓪᓕᐊᓂᖓᓄᑦ ᐃᑲᔫᑎᖃᕈᓐᓇᕐᑐᑎ.

ᐃᓚᐅᒋᑦ ᐅᕙᑦᑎᓐᓂᒃ ᓴᐳᑎᒐᓱᐊᕐᓗᒍ ᓄᓇᕗᒻᒥ ᓯᕐᒥᓖᑦ

ᓄᓇᕐᔪᐊᒥᒃ ᐊᕐᕌᒍᖓ ᓯᕐᒦᑦ ᓴᐳᑎᔭᐅᓯᒪᓂᖏᑦᑎᒍ ᐱᓕᕆᖁᔨᓯᒪᔪᑦ. ᑐᑭᓯᑦᑎᐊᖁᔨᓪᓗᑎᒃ ᐊᖏᔪᒥᒃ ᓯᕐᒥᓖᖕᓂ ᐊᒻᒪ ᐃᑲᔪᕐᓱᐃᓗᑎᒃ ᓴᐳᑎᒐᓱᐊᕐᓗᑎᒍ ᐱᓕᕆᐊᖏᑦᑎᒍ, ᐃᑲᔪᕈᑎᖃᕈᓐᓇᕐᑐᒍᑦ ᓴᐳᑎᓗᒋᑦ ᓯᑯᐃᑦ ᓄᓇᐃᓐᓇᕐᒦᑦᑐᑦ ᓯᕗᓂᒃᓴᒥᒃ ᑭᖑᕚᕆᓂᐊᕐᑕᑦᑎᓐᓄᑦ. ᒥᑭᔫᒐᓗᐊᕐᐸᑦ ᐃᓕᑦᑎᒐᓱᐊᕐᓗᑕ ᐱᓂᐊᕐᓂᑦᑎᒍᑦ ᐊᓯᑦᔩᔪᓐᓇᕐᑐᒍ.

ᑐᑭᓯᒋᐊᒃᑲᓐᓂᕈᒪᒍᕕᑦ ᑲᓇᑕᐅᑉ ᓯᕐᒥᖏᑕ ᒥᑦᓵᓄᑦ ᐊᒻᒪ ᐱᐅᕐᓱᐊᓂᕐᒥ ᐱᓕᕆᐊᖑᕙᓪᓕᐊᔪᒪᔪᓂᑦ, ᑕᑯᒋᐊᕈᓐᓇᕐᑐᑎᑦ ᓄᓇᕐᔪᐊᑉ ᑲᑎᒪᔨᖏᑦ ᓄᓇᕐᔪᐊᑉ ᐊᕐᕌᒍᖓᓂ ᓯᕐᒦᑦ ᓴᐳᔾᔨᒍᑕᐅᓇᓱᐊᕐᑐᑦ ᐃᑭᐊᖅᑭᕕᖓᓄᑦ. (ᖃᓪᓗᓈᑎᑐᑦ ᑭᓯᐊᓂ)